ЕУ го одложува воведувањето на паметниот тахограф до јуни 2019 година

Регулативата 502/2018, објавена во Службен весник на Европската унија на 28 март 2018 година, го одложува воведувањето на паметниот дигитален тахограф до 15 јуни 2019 година.

 
Идејата за интелигентен тахограф за прв пат беше воведена во европското законодавство според Регулативата (ЕУ) бр. 165/2014. Овој дигитален тахограф од втората генерација овозможува поврзување со глобалните навигациски сателитски системи (GNSS) и рано откривање на далечинска комуникациска опрема со опционален интерфејс за интелигентни транспортни системи.

Европската регулатива (Регулатива 799/2016) утврди технички барања за изградба, тестирање, инсталација, работење и поправка на овие паметни дигитални тахографи.
Последната европска регулатива, усвоена на 28 февруари 2018 година, дополнува неколку членови од Рег. 799/2016.

Некои од промените во Рег. 799/2016 се чисто технички, но еден дел се однесува на крајниот рок за влегување во сила, кој се помести од март до 15 јуни 2019 година. Овој рок се однесува само на комерцијални возила регистрирани по овој датум. За оние кои претходно беа регистрирани, сеуште се дискутира дали треба да инсталираат дигитални тахографи од втората генерација до 2020 или 2030 година.

Друг важен амандман на регулативата утврдува дека географската локација се евидентира на секои три часа, што вклучува време кога е запрена.

Рег. Регулативата на Комисијата (ЕЗ) бр. 502/2018 од 28 февруари 2018, 799/2016 може да се види со пристапување до Eur-Lex.

Извор:
RouteOne